Ekipet e deminimit të Gardës Kombëtare të Forcës së Sigurisë së Kosovës dhe të ekipit të EOD-së nga kampi Bondsteel i ushtrisë amerikane, kanë arritur që ti largojnë tri bomba të mbetura që nga Lufta e Dytë Botërore.

Sipas njoftimit, bombat ishin gjermane të llojit SC-50 me peshë 50 kilogramëshe, shkruan Arbresh.info.

Ato u hasën në fshatin Shakovicë, gjatë punimeve në magjistralen Prishtinë-Podujevë, bën të ditur FSK.

FSK njofton se ato janë bartur në vend të sigurt, për t’i demoluar me pas, sipas planifikimeve të ekipeve të deminimit.

“Në një operacion të përbashkët, sot ekipet e deminimit të Gardës Kombëtare të Forcës së Sigurisë së Kosovës dhe të ekipit të EOD-së nga kampi Bondsteel i ushtrisë amerikane, kanë arritur që ti largojnë tri bomba SC-50 Gjermane, të mbetura që nga lufa e dytë botërore.”, thuhet në njoftim.

“Bombat jan gjetur gjatë punimeve në rrugën magjistrale Prishtinë-Podujevë në fshatin Shakovicë, të cilat janë bartur në vend të sigurt, për t’i demoluar me pas, sipas planifikimeve të ekipeve të deminimit.”, thuhet tutje./Arbresh.info/